Қақтығыс және дағдарыс кезіндегі журналистика

Бірінші модульде сіз қақтығыс ошағындағы іссапарға қалай дайындалу керегін үйренесіз: шиеленіс аймағында жұмыс істеу үшін қандай құжаттар мен заттар қажет. Risk-management дегеніміз не, дұрыс киім, құрал-жабдық пен қорғаныс құралдарын қалай таңдау керек?

Бұл модуль қақтығыс ошағына сапарға арналған. Сіз жол қауіпсіздігін бағалауды, бақылау бекеттерінде өзін дұрыс ұстауды, майдан шебін өтіп, елді мекендер арасында жүруді үйренесіз. Сондай-ақ соғыс, дағдарыс, табиғи апат орын алған елге қалай кіруге болатынын анықтайсыз. Дағдарыс кезінде баспана, байланыс және көлік табу үшін не қажет?

Үшінші модульде сіз соғысқа қатысушылардан не оның құрбандарынан дұрыс сұхбат алуды үйренесіз. Ретравматизация деген не және қалай оның алдын алуға болады? Қысқа және ұзақ сұхбат әдістері. Әңгімелесу орны, уақыты және тілін таңдау.

Дағдарыс жағдайында ақпаратты тексеру. Жалған ақпарат қайдан шығады? Сыбыс, моральдық дүрбелең, үгіт-насихат. Ақпараттың сенімділігін қалай анықтауға болады? OSINT – ашық деректерді талдау

Журналистің қақтығыс ошағындағы физикалық және психологиялық қауіпсіздігі. Бесінші модульде сіз өз жағдайыңызды бағалауды үйренесіз. Жұмыс, демалыс, ұйқы режимі. Қақтығыс ошағына барудың оңтайлы уақыты қандай, зақымсоңы стресс бұзылуы (ПТСР) дегеніміз не және қалай оның алдын алу керек? Сіз сондай-ақ төтенше жағдайда жұмыс істейтін журналистерге көмектесетін ресурстар туралы ақпарат аласыз.