“Film produýerliginiň esaslary” kursunyň maksady, film önümçiliginiň esasy taraplaryna prodýuserlik nukdaýnazaryndan giriş bermek, ýagny:
- film önümçiliginiň nämedigi barada düşünje bermek;
- prodýuseriň başarnyklaryna we wezipelerine düşünmäge, şeýle hem film önümçiliginde prodýuserleriň iýerarhiýasy bilen tanyşmaga kömek etmek;
- ideýany önümçilik derejesine nädip getirmelidigi we maýa goýumy hem goşmak bilen filmiň häzirki zaman maliýeleşdiriş mümkinçilikleri bilen tanyşdyrmak;
- prodýuseriň işi bilen gönüden-göni baglanyşykly bolan önümçilik tapgyrlaryny we böleklerini tanatmak;
- häzirki zaman şertlerinde film önümçiliginde göz öňünde tutulmaly käbir faktorlar we halkara standartlar barada gürrüň bermek.
Kursuň netijesinde
Kursuň ahyrynda häzirki zaman film önümçiliginde prodýuseriň wezipeleriniň we başarnyklarynyň nämelerdigine anyk düşünersiňiz. Kursuň dowamynda prodýuseriň rolunyň size laýykdygyny ýa-da däldigini, eger gabat gelýän bolsa – karýerany nireden başlamalydygyny kesgitläp bilersiňiz. Amaly durmuş tejribeleri we geljekki prodýuserler üçin maslahatlardan başga-da, bu okuw film prodýuserligi boýunça düşünjesini giňeltmek isleýän režissýorlar üçin hem peýdaly maglumatlary öz içine alýar. Bu taslamalaryňyzda işleşjek prodýuserleriňiz bilen professional gatnaşyklary dogry gurmaga kömek eder.
Kursuň formaty
Kurs 2 hepdä niýetlenen 3 moduly öz içine alýar. Modulyň çylşyrymlylygyna we garaşsyz işiň mukdaryna baglylykda okuwçylaryň hepdelik iş ýüki 2-3 sagatdyr. Modullar 13 minuda çenli wideo leksiýalaryndan, leksiýanyň tekst görnüşindäki belliklerinden, garaşsyz tabşyryklardan we jemleýji synagdan ybaratdyr.
Bu okuw Go Viral taslamasynyň 48 sagatlyk film ýaryşy programmasynyň bir bölegi hökmünde işlenip düzüldi.
Merkezi Aziýada ABŞ-nyň Döwlet departamenti tarapyndan hemaýatkärlik edilýän, ABŞ-nyň Diplomatik gulluklary tarapyndan goldanylýan, şeýle-de Uruş we Parahatçylyk Hasabat Instituty tarapyndan durmuşa geçirilýän bu taslama, adamlara oýlap tapmaga, döretmäge, öz kontentiňi öňe sürmäge, habar bermäge, wagty sapaly geçirmäge we global jemgyýeti bilen üstünlikli arabaglanyşyk saklamaga mümkinçilik berýär. Bu taslama, täze innowasion tehnologiýalary ulanyp şeýle işleri, täze platformalaryň we sosial torynyň üsti bilen amala aşyrmaga kömek edýär.
Näme okaýaňyz?
Maksatnama
-
1-nji modul
Bu modul önümçilik pelsepesi we prodýuseriň kino düşürmekdäki ähmiýeti bilen tanyşdyrýar. Jemgyýetimizde bar bolan bu hünär baradaky stereotipleri seljerersiňiz we prodýuseriň hünär wezipelerini we başarnyklaryny seljerersiňiz. Okuw materiallary film önümçiliginiň iýerarhiýasyndaky prodýuserler dürli görnüşleri hakda öwreder
-
2-nji modul
Ikinji modul, geljekki we täze başlaýan prodýuserlere pudaga nädip girmelidigi we ilkinji ädimlerini nädip netijeli etmelidigi barada amaly maslahatlara gönükdirilendir. Noldan başlamak ýa-da pikir/ssenariýniň bar bolmagy ýaly ýagdaýlary öz içine alýan bolup biljek önümçilik ssenariýlerine seredersiňiz we maliýeleşdirmegiň bolup biljek strategiýalaryny öwrenersiňiz. Bu modulda filmiň býudjetini we maýa goýum bukjasynyň böleklerine syn berilýär
- 1-nji sapak. Prodýuser bolasym gelýär. Nämeden başlamaly?
- 2-nji sapak. Men – prodýuser. Indi näme? Ssenariý we düzedişleriň girizilmegi
- 3-nji sapak. Täjirçilik maksatly we täjirçilik maksatly däl filmleriň maliýeleşdiriliş strategiýasy
- 4-nji sapak. Filmiň maýa goýum bukjasy
- 5-nji sapak. Filmiň býudjetlendirilmegi
- Özbaşdak iş üçin ýumuş
-
3-nji modul
Bu modul önümçilikde nämelerden gaça durmalydygy barada maslahatlar berer, şeýle hem häzirki zaman prodýuseriniň taslama meýilleşdirilende göz öňünde tutmaly möhüm bolan film pudagynyň käbir taraplaryna sereder
-
Test
Mugallymlar
Anisa Sabiri
