“Kinoda prodyuserlik asoslari” kursining maqsadi kino ishlab chiqarishning fundamental xususiyatlari bilan tanishtirish hisoblanadi, ya’ni:
- Kinoda prodyuserlik nima ekani haqida tushuncha berish;
- prodyuserning malaka va vazifalarini bilib olishga ko‘maklashish, shuningdek kino ishlab chiqarishda prodyuserlar iyerarxiyasi bilan tanishtirish;
- g‘oyani qanday qilib ishlab chiqarish jarayonigacha olib chiqish haqida tushuncha berish, hamda filmni moliyalashtirishning zamonaviy imkoniyatlari, jumladan investitsiya paketi bilan tanishtirish;
- ishlab chiqarishning, bevosita prodyuser faoliyati bilan bog‘liq bo‘lgan bosqichlari va tarkibiy qismlari bilan tanishtirish;
- zamonaviy sharoitlarda kino ishlab chiqarish jarayonida e’tiborga olinishi zarur bo‘lgan ayrim o‘ziga xosliklar va xalqaro standartlar haqida tushuncha berish.
Kursning natijasi
Kurs yakunida siz zamonaviy kino ishlab chiqarish sanoatida prodyuserning vazifalari, funksiyalari va malakalari nimalardan iboratligi haqida aniq tasavvurga ega bo‘lasiz. O‘qish jarayonida siz, shuningdek prodyuserlik vazifasi o‘zingizga qanchalik mos kelishini aniqlashtirib ham olasiz, agar mos keladi, deb hisoblasangiz – ishni nimadan boshlash kerakligi haqida tushuncha beramiz. Mazkur kursda bo‘lg‘usi prodyuserlar uchun amaliy layfxaklar va maslahatlardan tashqari, prodyuserlik vazifalari haqidagi o‘z tasavvurlarini kengaytirish istagidagi rejissyorlar uchun ham foydali ma’lumotlar mavjud. Bu esa loyihalaringizning bo‘lg‘usi ehtimoliy prodyuserlari bilan ish yuzasidan munosabatlarni to‘g‘ri tashkil qilishingizda qo‘l keladi.
Kursning shakli
Kurs 3 ta moduldan tashkil topgan va 2 haftalik o‘qitishga mo‘ljallangan. Bo‘limning murakkabligi va mustaqil ishning hajmidan kelib chiqib, o‘quvchilarning haftalik yuklamasi 2 – 3 soatni tashkil qiladi. Modullar 13 daqiqagacha bo‘lgan video m’ruzalardan, ma’ruzalarning matnli konspektlaridan, mustaqil ishlash uchun toshiriqlardan va yakuniy testdan tashkil topgan.
Ushbu kurs Go Viral loyihasining 48 Hour Film Race asosida ishlab chiqildi.
Bu AQSh Davlat departamenti homiyligidagi loyiha boʻlib, AQShning Markaziy Osiyodagi missiyalari tomonidan qoʻllab-quvvatlanadi va Markaziy Osiyodagi Urush va tinchlikni yoritish instituti (IWPR) tomonidan amalga oshiriladi. Go Viral odamlarga yangi texnologiyalardan foydalangan holda ijtimoiy mediya va yangi platformalar orqali o'z kontentlarini ixtiro qilish, yaratish, targ'ib qilish, xabardor qilish, ko'ngil ochish va global auditoriya bilan muvaffaqiyatli muloqot qilish imkonini beradi.
Siz nimani o'rganasiz?
Dastur
-
1-modul
Mazkur modul prodyuserlik falsafasiga kirish hamda kino ishlab chiqarishda prodyuserning ahamiyati haqida ma’lumot beradi. Bu kasb haqida jamiyatimizda mavjud bo‘lgan stereotiplarni bilib olasiz hamda prodyuserning kasb vazifalari va malakalari haqida tasavvurga ega bo‘lasiz. Kurs materiallari, shuningdek kino ishlab chiqarish iyerarxiyasida prodyuserlarning qanday turlari borligi haqida ham ma’lumot beradi
-
2-modul
Ikkinchi modul bo‘lg‘usi va endi ish boshlayotgan prodyuserlarga sanoatga qanday qilib kirishib ketish hamda birinchi qadamlarni samarali tashlash borasidagi amaliy maslahatlarni o‘z ichiga olgan. Siz prodyuserlikning ehtimoliy ssenariylarini – ham ishni noldan boshlash, ham g‘oya/ssenariy mavjud bo‘lganda ishlash masalalarini hamda moliyalashtirishning ehtimoliy strategiyalarini ko‘rib chiqasiz. Shuningdek, ushbu modulda filmning byudjeti va investitsiya paketi tarkibining tahlili ham beriladi
-
3-modul
Mazkur modul sizni ishlab chiqarish jarayonida nimalarga yo‘l qo‘ymaslik borasidagi maslahatlar, shuningdek kinosanaotda zamonaviy prodyuser loyihani rejalashtirishda inobatga olishi juda muhim bo‘lgan ayrim jihatlar bilan tanishtiradi
-
Yakuniy test
O'qituvchilar
Anisa Sabiri
