Кинодогу продюсирлөөнүн негиздери

“Кинодогу продюсирлөөнүн негиздери” курсунун максаты – кино өндүрүшүнүн фундаменталдык аспектилерине продюсирлөө көз карашынан киришүү, тагыраагы: 

  • кинону продюсирлөө дегенге түшүнүк берүү;
  • продюсердин көндүмдөрү менен милдеттерин түшүнүүгө жардам берүү, ошондой эле кино өндүрүшүндөгү продюсерлердин иерархиясы менен тааныштыруу;
  • идеяны өндүрүштүк деңгээлге кантип чыгаруу керектигин айтып берүү жана каржылоонун заманбап мүмкүнчүлүктөрү, анын ичинде тасманын инвестициялык пакети менен тааныштыруу;
  • кино өндүрүшүндөгү продюсердин жумушуна түздөн-түз байланышы бар этаптар менен компоненттер менен тааныштыруу;  
  • заманбап шарттагы кино өндүрүшүндө эске алышыны керек болгон айрым жагдайлар жана эл аралык стандарттар тууралуу айтып берүү. 

Курстун жыйынтыгы

Курстун аягында сизде заманбап кино өндүрүшүндөгү продюсердин милдеттери, функциялары жана көндүмдөрү жөнүндө так түшүнүк пайда болот. Ошондой эле окуунун жүрүшүндө продюсердин ролу сизге туура келе-келбесин, эгер туура келсе, карьераңызды эмнеден баштаган оң болорун аныктай аласыз. Болочоктогу продюсерлер үчүн практикалык лайфхактар менен кеңештерден сырткары, бул курс продюсерлик милдеттер тууралуу түшүнүгүн кеңейткиси келген режиссерлор үчүн пайдалуу маалыматты камтыйт. Бул нерсе долбооруңуздун потенциалдуу продюсери менен профессионалдык карым-катнашты туура түзүүгө мүмкүндүк берет.

Курстун форматы

Курс өзүнө 3 модулду камтыйт жана 2 апталык окууга эсептелген. Апталык жүктөм бөлүмдүн татаалдыгына жана өз алдынча иштин көлөмүнө карап 2-3 саатты түзөт. Модулдар узактыгы 13 мүнөткө чейинки видеолекциялардан, лекциялардын тексттик конспектилеринен, өз алдынча иш үчүн тапшырмалардан жана жыйынтыктоочу тесттен турат. 

Курс Go Viral долбоорунун 48 Hour Film Race программалык компонентинин алкагында даярдалды.

Бул долбоорду АКШнын Мамдепартаменти каржылап, АКШнын Борбор Азия өлкөлөрүндөгү Дипломатиялык миссиялары колдоого алып, Борбор Азиядагы Согушту жана тынчтыкты чагылдыруу институту (IWPR) ишке ашырууда. Go Viral адамдарга өз контентин жаратууга, жайылтууга, маалымат таратууга, көңүл ачууга жана жаңы технологияларды колдонуу менен социалдык тармактар, жаңы платформалар аркылуу глобалдык аудитория менен ийгиликтүү алака түзүүгө мүмкүнчүлүк берет.

 
2 жума
Окууну баштоо үчүн каттоодон өтүңүз
Already have an account?
Каттоо
Сурамжылоого катышуу

Сиз эмнени үйрөнөсүз?

Тасманы продюсирлөө деген эмне?
Кино өндүрүшүнүн иерархиясында продюсерлердин кандай түрлөрү бар?
Заманбап кино өндүрүшүндө продюсердин милдеттери, функциялары жана көндүмдөрү кандай?
Киноиндустриядагы заманбап стандарттар
Өндүрүштө эмнеден качыш керек?
Тасманын бюджетин уюштуруу жана инвестициялык пакет

Программа

Мугалимдер

Көп берилүүчү суроолор

Курска кантип катталса болот?
Алгач сайттын өзүнөн каттоодон өтүшүңүз керек. Андан кийин “Курстар” бөлүмүнөн керектүү курсту тандап, ошол курстан каттоодон өтүү кажет.
Курста окугандан кийин сертификат аламбы?
Курстун ичиндеги бардык сабактарга катышкандар жана акыркы тестти ийгиликтүү тапшыргандар (минимум 80%) гана сертификат ала алышат.
Тест тапшырбасам эмне болот?
Ар бир модулдан кийин бирден тест жана курс аяктагандан кийин жалпы бир тест бар. Сизге тестти тапшырууга 10 мүмкүнчүлүк берилет. Эгерде тестти башында тапшыра албай калсаңыз, анда сабактарды кайрадан көрүп чыгып, тестти дагы бир жолу тапшыра аласыз. 10 мүмкүнчүлүк толугу менен колдонулганда система өзү жабылып калат. Курсту аягына чейин бүтүрүү үчүн ага кайрадан катталууңуз керек болот.
Сайт иштебей жатса эмне кылыш керек?
“Байланыш” бөлүмүндө көрсөтүлгөн эмейлге же коомдук тармактар аркылуу бизге кайрылыңыз.
Сертификатта жазылган ысым менен паспортто жазылган ысым окшош эмес болсо эмне кылыш керек?
Оболу каттоодон өтүп жатканда аты-жөнүңүздү туура жазып киргизиңиз. Эгерде башкача жазып алган болсоңуз, анда бизге кайрылыңыз. Биз ысымыңызды оңдоп, сертификатты кайрадан жөнөтөбүз.
Бирден көп курска катталсам болобу?
Ооба, бир нече курска бир эле убакта катталып окусаңыз же болбосо бир курсту бүтүрүп кийинкисине өтсөңүз дагы болот.
Курстар жаңыртылып турабы?
Сайтта буга чейин чыккан курстар жаңыртылбайт. Жаңы курстар болуп калса, сайтка чыгарып турабыз.
Силер өткөргөн башка иш-чараларга кантип катышууга болот?
Биз Борбор Азия өлкөлөрүндөгү журналисттерге жана журналистика факультетинде билим алган студенттер үчүн ар кандай окутууларды өткөрүп турабыз. Жаңы иш-чараларды өткөрүп жибербеш үчүн сайтыбызга же коомдук желедеги барактарыбызга көз салып туруңуз. Биздин иш-чараларга катышуу үчүн көбүнчө каттоодон өтүү керек болот же болбосо сынак аркылуу кабыл алынат.
Курска Борбор Азияда эле жашагандар катыша алабы?
Онлайн курстарга жашаган жеринен көз карандысыз эле каалоочулардын баары катыша алат. Оффлайн иш-чаралар Борбор Азиядагы өлкөлөрдүн биринде өткөрүлөт.
Мен медиа чөйрөдөгү инсан эмесмин, бирок курска катышкым келип жатат. Катышсам болобу?
Ооба, онлайн курстарга каалоочулардын баары катыша алат.
Курс канча болот?
Ар бир курстун убактысы өз алдынча каралат. Негизинен ал курстун мазмунунан жана канчалык татаал экенинен көз каранды. Орточо эсеп менен бир курс 6-8 аптага чейин созулат. Бул убакыт аралыгында бардык сабактарды окуп, тесттерди тапшыруу керек. Бирок кайрадан жазылып, курсту кайра дагы окууга болот.