Қауымдастықты жұмылдыру: азаматтарды шешім қабылдау процестеріне қалай тарту керек

«Қауымдастықты жұмылдыру: азаматтарды шешім қабылдау процестеріне қалай тарту керек» курсы азаматтық белсенділерге, азаматтық қоғам және медиа өкілдеріне арналған.

Курс жергілікті және республикалық маңызы бар қоғамдық мәселелерді шешу үшін әлеуметтік ортаны өзгертудің ең тиімді құралдарының бірін шолуға арналған. қауымдастықтық жұмылдыру – азаматтардың жергілікті және республикалық деңгейде шешім қабылдауға қатысуын арттыру құралы, яғни жергілікті өзін-өзі басқаруды дамыту құралы.

«Қауымдастықты жұмылдыру: азаматтарды шешім қабылдау процестеріне қалай тарту керек» курсының мақсаты – қоғамды жұмылдыратын білім мен машық беру, атап айтқанда:

✔ «Қауымдастықты жұмылдыру» (ҚЖ) түсінігі

✔ ҚЖ-да бар тәсілдер

✔ ҚЖ құндылықтары мен принциптері

✔ ҚЖ циклі мен кезеңдері

✔ ҚЖ процесінде жұмыс істеу әдістері

✔ ҚЖ үшін қажет білім мен машық

Күтілетін нәтиже: Қатысушылар курсты аяқтағаннан кейін қауымдастықты жұмылдыру және әрекеттесу деген не екенін, оны қашан, қалай және не үшін қолдану керектігін біледі, сондай-ақ қоғамды жұмылдыру және тарту құралдарын (бұдан әрі – ҚЖ) меңгереді. Қатысушылар белгілі бір мәселеге қоғамның назарын аудару және осы мәселелерді шешуге жұмылдыруға мүмкіндік беретін машықтарды меңгереді.

Курс форматы

Курс 5 модульден тұрады және 2 апталық оқуға арналған. Қатысушылардың апталық жүктемесі бөлімнің күрделілігіне және өздік жұмыс көлеміне байланысты – 2-3 сағат. Модульдер ұзақтығы 13 минуттан аспайтын видео-дәрістер, лекциялардың мәтіндік конспектілері, өз бетінше орындауға арналған тапсырмалар мен қорытынды тесттен тұрады. Осы модульдегі практикалық үй тапсырмалары – ерікті, бірақ өте құнды. Олар сізге қауымдастықты жұмылдыру дағдыларын нығайтуға, азаматтарды шешім қабылдауға тартуды үйренуге және алған білімді практикада сенімді қолдануға көмектеседі. Курстың басында және соңында курсқа дейін және одан кейін ҚЖ процесін меңгеруіңізді бағалау үшін пре және пост-тест болады.

Бұл курс «Азаматтық қоғам Қазақстан үшін (CS4K)» жобасы аясында әзірленді. Жоба Соғыс және бейбітшілік баяндау институты (IWPR) мен «Ұлттық және халықаралық даму бастамалары институты» қоғамдық қорының (ИНМИР) серіктестігімен, Еуропалық Одақтың қаржылық қолдауымен жүзеге асырылуда. Жобаның мақсаты — Қазақстанда негізгі құқықтар мен бостандықтарды азаматтық қоғамның күш-жігері арқылы ілгерілету.
Жобаның маңызды бағыттарының бірі — азаматтық қоғам ұйымдарының әлеуетін арттыру және оларды оқыту.

Бұл жарияланымды Еуропалық Одақ қаржыландырады. Оның мазмұнына тек IWPR жауапты және ол міндетті түрде Еуропалық Одақтың көзқарасын білдірмейді.