Курс сипаттамасы
Бұл курс пропаганда тақырыбына арналған. Курстың негізгі мақсаты – пропаганданы анықтау әдістерін және оларға қарсы тұру жолдарын үйрету. Курс пропаганданың белгісі, қазіргі уақыттағы пропаганданың мақсаты мен түрлерін анықтау мәселелерін ашады, сыни ойлау машығын дамытады. Курс қатысушысы пропаганда ұғымымен танысумен қатар, пропагандалық материалдарда қандай нарратив бар екенін анықтауды үйренеді. Пропаганда дәстүрлі БАҚ контекстінде де, яғни теледидар, басылымдар сияқты және пабликтер, әлеуметтік желілердегі парақшалар секілді цифрлық құралдар контекстінде де талданады. Сондай-ақ курста әртүрлі деңгейдегі пропагандаға қарсы тұру жолдары қарастырылады.
Бұл курс:
- Пропаганда дегеніміз не, оның мақсаты мен түрлері қандай екенін
- Пропаганданы тануға көмектесетін оның негізгі әдістері мен белгілерін тануға
- Нарративтерді пропаганданың құралы ретінде тануды
- Дәстүрлі медиа мен цифрлық платформаларда пропаганданың қалай көрініс табатынын түсінуге
- Соғыс кезіндегі пропаганданың ерекшеліктерін және оның негізгі нарративтерін білуге
- Жеке, журналист қызметінде және қоғамдық өмірде пропагандаға қарсы тұруды үйретеді.
Курс аудиториясы
Курс Орталық Азиядағы жаңадан бастаған және жұмыс істеп жүрген жас сарапшылар мен журналистерге, медиа мамандарына арналған.
Курс форматы
Курс бес модульден тұрады және 5 апталық оқуға арналған. Курс бойынша апталық жүктеме – 2-3 сағат (бөлімнің және практикалық тапсырмалардың күрделілігіне байланысты). Курста анық мәтіні бар қысқаша бейне дәрістер, мәтіндік ақпарат, үлестірмелі материалдар мен өздік жұмысқа арналған тапсырмалар бар. Курс аясында сіздерге пропагандалық науқандар мен олардың элементтері бар көрнекі мысалдар ұсынылады. Курста 80%-дық қорытынды тест бар. Сізге сынақтан өтуге 10 мүмкіндік беріледі. Әрекеттер шегі таусылған жағдайда жүйе бұғатталып, сізге курсқа қайта тіркелу қажет болады. Сондықтан біз қатысушыларға тесттің алғашқы сәтсіз әрекеттерінен-ақ курс материалдарын қайта шолып шығуға кеңес береміз. Қаласаңыз, курсты төрт рет қайта өте аласыз.
Сіз не үйренесіз?
Бағдарлама
-
1-блок: Пропаганда дегеніміз не?
Бірінші блокта әртүрлі саладағы кейстерді мысалға ала отырып, пропаганданың не екенін біліп, оның белгілері мен құрамдас бөліктеріне талдау жасайсыз.
-
2-блок: Пропаганданың негізгі әдістері
Екінші блокта пропагандада қолданылатын негізгі манипуляциялық әдіс-тәсілдермен танысып, оларға қарсы тұру жолдарын үйренесіз. Сондай-ақ осы әдістерді қолдану мысалдарын талдап, оларды қалай анықтау керегін үйренесіз. Әр сабақтың соңында тест түрінде кейстер ұсынылады, бұл сіздің біліміңізді бекітуге көмектеседі.
-
3-блок: Нарратив пропаганда құралы ретінде
Бұл блокта сіз нарратив деген не және олардың қолданылуы аудиторияның призмасын қалай қалыптастыратын білесіз
-
4-блок: Соғыс уақытындағы пропаганда
Төртінші блокта соғыс кезіндегі пропаганданың ерекшеліктерімен танысасыз
- 1-сабақ: Соғыс кезіндегі пропаганданың негізгі нарративтері
- 2-сабақ: Бірінші дүниежүзілік соғыс кезіндегі пропаганда науқаны
- 3-сабақ: Екінші дүниежүзілік соғыс кезіндегі пропаганда ерекшеліктері
- 4-сабақ: Соғыс кезіндегі пропаганда: қазіргі жағдайлар мен ерекшеліктер
- 5-сабақ: Украина мысалында Ресей пропагандасының әдістері
-
5-блок: Пропагандаға қалай қарсы тұру керек
Бұл блокта сіз әртүрлі деңгейдегі пропагандаға қарсы қандай әдіс-тәсілдер көмектесетінін үйренесіз
-
Қорытынды тест
Оқытушы
Ольга Юркова
