Адвокациянын негиздери

“Адвокациянын негиздери” курсу жаш аналитиктер, медиа жана жарандык коомдун өкүлдөрү үчүн даярдалган. Мында саясатка, анын ичинде жергиликтүү жана улуттук деңгээлде чечим кабыл алуу процесстерине  жарандар кантип таасир эте алары тууралуу сөз болот. Сиз адвокациянын негиздери жана адвокациялык кампаниянын баскычтары менен таанышып, көйгөйдү кантип анализдөө керектигин жана “стейкхолдерлер” (кызыкдар тараптар) менен иштегенде кандай ыкмалар колдонуларын карап чыгасыз. Ошондой эле адвокациянын ыкмалары жана аларды адвокациялык кампанияларды илгерилетүүдө туура колдонуу жөнүндө билесиз. 

Курстун максаты: Борбор Азия өлкөлөрүндө адвокация жаатында эмгектенген аналитиктердин, медиа жана жарандык коомдун өкүлдөрүнүн билимин өркүндөтүү. 

Курстун форматы: Курс видеолекциялар камтылган 5 модулдан, текшерүү тесттеринен жана кошумча таанышуу үчүн адабияттардан турат. Кийинки модулдун материалдарына өтүш үчүн тесттен бери дегенде 80% упай алышыңыз керек. Суроолордун санына жараша тесттен өтүүгө 3-4 мүмкүнчүлүк берилет. Бардык мүмкүнчүлүктү пайдаланып бүтсөңүз, система сизге жеткиликсиз болуп калат да, кайрадан катталып, курстун материалдары менен башынан таанышып чыгышыңыз керек болот. 

Кааласаңыз, курстан төрт жолу кайталап өтө аласыз. Курстан толугу менен өткөндөргө электрондук сертификатты берүү каралган. 

Курстан өтүү 2 аптага эсептелген. Апталык жүктөм 2-3 саатты түзөт.

 
2 жума
Окууну баштоо үчүн каттоодон өтүңүз
Already have an account?
Каттоо
Сурамжылоого катышуу

Сиз эмнени үйрөнөсүз?

Адвокация деген эмне?
Адвокациядагы ыкмалар жана адвокациялык кампаниянын циклдери
Адвокациядагы аналитика жана изилдөөлөр
"Стейкхолдерлер" деген кимдер жана алар адвокацияда кандай ролду ойношот?
Адвокациялык кампанияны ийгиликтүү өткөрүш үчүн эмнелерди билүү зарыл?
Стейкхолдерлер менен кантип туура кызматташуу зарыл, ЖМК жана социалдык тармактар менен канткенде туура иштешебиз?

Программа

Мугалимдер

Көп берилүүчү суроолор

Курска кантип катталса болот?
Алгач сайттын өзүнөн каттоодон өтүшүңүз керек. Андан кийин “Курстар” бөлүмүнөн керектүү курсту тандап, ошол курстан каттоодон өтүү кажет.
Курста окугандан кийин сертификат аламбы?
Курстун ичиндеги бардык сабактарга катышкандар жана акыркы тестти ийгиликтүү тапшыргандар (минимум 80%) гана сертификат ала алышат.
Тест тапшырбасам эмне болот?
Ар бир модулдан кийин бирден тест жана курс аяктагандан кийин жалпы бир тест бар. Сизге тестти тапшырууга 10 мүмкүнчүлүк берилет. Эгерде тестти башында тапшыра албай калсаңыз, анда сабактарды кайрадан көрүп чыгып, тестти дагы бир жолу тапшыра аласыз. 10 мүмкүнчүлүк толугу менен колдонулганда система өзү жабылып калат. Курсту аягына чейин бүтүрүү үчүн ага кайрадан катталууңуз керек болот.
Сайт иштебей жатса эмне кылыш керек?
“Байланыш” бөлүмүндө көрсөтүлгөн эмейлге же коомдук тармактар аркылуу бизге кайрылыңыз.
Сертификатта жазылган ысым менен паспортто жазылган ысым окшош эмес болсо эмне кылыш керек?
Оболу каттоодон өтүп жатканда аты-жөнүңүздү туура жазып киргизиңиз. Эгерде башкача жазып алган болсоңуз, анда бизге кайрылыңыз. Биз ысымыңызды оңдоп, сертификатты кайрадан жөнөтөбүз.
Бирден көп курска катталсам болобу?
Ооба, бир нече курска бир эле убакта катталып окусаңыз же болбосо бир курсту бүтүрүп кийинкисине өтсөңүз дагы болот.
Курстар жаңыртылып турабы?
Сайтта буга чейин чыккан курстар жаңыртылбайт. Жаңы курстар болуп калса, сайтка чыгарып турабыз.
Силер өткөргөн башка иш-чараларга кантип катышууга болот?
Биз Борбор Азия өлкөлөрүндөгү журналисттерге жана журналистика факультетинде билим алган студенттер үчүн ар кандай окутууларды өткөрүп турабыз. Жаңы иш-чараларды өткөрүп жибербеш үчүн сайтыбызга же коомдук желедеги барактарыбызга көз салып туруңуз. Биздин иш-чараларга катышуу үчүн көбүнчө каттоодон өтүү керек болот же болбосо сынак аркылуу кабыл алынат.
Курска Борбор Азияда эле жашагандар катыша алабы?
Онлайн курстарга жашаган жеринен көз карандысыз эле каалоочулардын баары катыша алат. Оффлайн иш-чаралар Борбор Азиядагы өлкөлөрдүн биринде өткөрүлөт.
Мен медиа чөйрөдөгү инсан эмесмин, бирок курска катышкым келип жатат. Катышсам болобу?
Ооба, онлайн курстарга каалоочулардын баары катыша алат.
Курс канча болот?
Ар бир курстун убактысы өз алдынча каралат. Негизинен ал курстун мазмунунан жана канчалык татаал экенинен көз каранды. Орточо эсеп менен бир курс 6-8 аптага чейин созулат. Бул убакыт аралыгында бардык сабактарды окуп, тесттерди тапшыруу керек. Бирок кайрадан жазылып, курсту кайра дагы окууга болот.