Укук коргоо адвокациясынын өзгөчөлүктөрү: өркүндөтүлгөн деңгээл

Курс эмне жөнүндө болот?

Курстун жүрүшүндө сиз адам укуктары боюнча улуттук жана эл аралык деңгээлдеги адвокациянын негиздери менен таанышасыз. Мында Борбор Азиянын ар бир өлкөсүнүн өзгөчөлүктөрү эске алынат. Адам укуктары боюнча адвокация кампаниясын пландаштырууну үйрөнөсүз: мамлекеттик жана жергиликтүү деңгээлдеги чечимдерди кабыл алуу архитектурасы, адвокациялык сунуштарды көзөмөлдөө, адвокациялык кампаниянын жүрүшүндөгү өзгөртүүлөр. Сиз чечим кабыл алуучулар менен байланышты кантип жакшыртса болорун түшүнөсүз, ошондой эле адвокациялык кампанияны маалыматтык коштоо тууралуу билесиз.

Курстун максаты

“Укук коргоо адвокациясынын өзгөчөлүктөрү: өркүндөтүлгөн деңгээл” курсу угуучуларга адвокация жөнүндө тереңирээк түшүнүктү жана укук коргоо адвокациялык кампаниясын өткөрүү үчүн үгүт жүргүзүү куралдарын, ыкмаларын үйрөнүүгө тажрыйбаны берет.

Курстун аудиториясы

Курс адвокациянын негиздерин билген же тажрыйбасы бар укук коргоочуларга арналган. Адвокациялык тажрыйбасы жокторго алгач “Адвокациянын негиздери” курсунан өтүү сунушталат.

Бул курс ошондой эле жарандык коом, укук коргоо уюмдары менен кызматташкан юристтерге, журналисттерге жана мамлекеттик органдардын кызматкерлерине, айрыкча жарандык коом же адам укуктарын коргоонун эл аралык механизмдери менен иштешкендерге пайдалуу болушу мүмкүн.

Курстун жыйынтыгы

Курстун аягында сиз адам укуктарын коргоо боюнча адвокациялык кампаниянын максаттары, мазмуну жана түзүлүшү жөнүндө даана түшүнүккө ээ болосуз. Адвокациялык кампаниялардын ийгиликтүү мисалдары менен тааныша аласыз. Чечимдерди кабыл алуучу тараптар менен туура байланыш түзүүнү жана адвокациялык кампанияңыздын таасирин өлчөөнү үйрөнөсүз. Ошондой эле адвокациялык кампанияны коопсуз жүргүзүү үчүн эске ала турчу жагдайларды биле аласыз.

 Курстун форматы

Курс 5 модулдан турат жана 2-3 жумага мерчемделген. Бөлүмдүн татаалдыгына жана өз алдынча иштин көлөмүнө жараша бир жумалык жүктөм 2-3 саатты түзөт. Модулдар 13 мүнөткө чейинки видеолекциялардан, лекциянын тексттик конспектилеринен, ошондой эле өз алдынча иш үчүн тапшырмалардан, жыйынтыктоочу тесттен турат.

Курс укук коргоо адвокациясына тиешелүү бардык суроолор жана көйгөйлөр боюнча даяр чечимдерди сунуштабайт. Анын мазмуну автордун практикалык тажрыйбасына негизделген.

Курс «Жарандык коом Казакстан үчүн (CS4K)» долбоорунун алкагында иштелип чыккан. Долбоорду Согушту жана тынчтыкты чагылдыруу институту (IWPR) «Өнүгүүнүн улуттук жана эл аралык демилгелери» коомдук фонду менен биргеликте Европа Биримдигинин каржылык колдоосунда ишке ашырууда. Долбоор Казакстанда жарандык коомдун күч-аракети аркылуу негизги эркиндиктерди жана укуктарды илгерилетүүгө багытталган. Долбоордун маанилүү компоненттеринин бири – жарандык коом уюмдарынын потенциалын жогорулатуу жана окутуу.

Бул басылма Европа Биримдиги тарабынан каржыланган. Анын мазмуну толугу менен IWPRдын жоопкерчилиги болуп саналат жана сөзсүз түрдө Европа Биримдигинин көз карашын чагылдырбайт.

 
3 жума
Окууну баштоо үчүн каттоодон өтүңүз
Already have an account?
Каттоо

Сиз эмнени үйрөнөсүз?

Адам укуктары боюнча адвокациянын негиздери
Адвокациялык стратегиянын максатын аныктоо жана тандоо
Адвокациялык кампанияны ишке ашыруу маалында жана андан кийин канчалык ийгиликтүү болгонун өлчөө ыкмалары
Ийгиликтүү адвокациялык кампаниялардын мисалдарын анализдөө
Адвокациялык кампанияларды пландаштыруу: максаттар, структура, этаптар

Программа

Мугалимдер

Көп берилүүчү суроолор

Курска кантип катталса болот?
Алгач сайттын өзүнөн каттоодон өтүшүңүз керек. Андан кийин “Курстар” бөлүмүнөн керектүү курсту тандап, ошол курстан каттоодон өтүү кажет.
Курста окугандан кийин сертификат аламбы?
Курстун ичиндеги бардык сабактарга катышкандар жана акыркы тестти ийгиликтүү тапшыргандар (минимум 80%) гана сертификат ала алышат.
Тест тапшырбасам эмне болот?
Ар бир модулдан кийин бирден тест жана курс аяктагандан кийин жалпы бир тест бар. Сизге тестти тапшырууга 10 мүмкүнчүлүк берилет. Эгерде тестти башында тапшыра албай калсаңыз, анда сабактарды кайрадан көрүп чыгып, тестти дагы бир жолу тапшыра аласыз. 10 мүмкүнчүлүк толугу менен колдонулганда система өзү жабылып калат. Курсту аягына чейин бүтүрүү үчүн ага кайрадан катталууңуз керек болот.
Сайт иштебей жатса эмне кылыш керек?
“Байланыш” бөлүмүндө көрсөтүлгөн эмейлге же коомдук тармактар аркылуу бизге кайрылыңыз.
Сертификатта жазылган ысым менен паспортто жазылган ысым окшош эмес болсо эмне кылыш керек?
Оболу каттоодон өтүп жатканда аты-жөнүңүздү туура жазып киргизиңиз. Эгерде башкача жазып алган болсоңуз, анда бизге кайрылыңыз. Биз ысымыңызды оңдоп, сертификатты кайрадан жөнөтөбүз.
Бирден көп курска катталсам болобу?
Ооба, бир нече курска бир эле убакта катталып окусаңыз же болбосо бир курсту бүтүрүп кийинкисине өтсөңүз дагы болот.
Курстар жаңыртылып турабы?
Сайтта буга чейин чыккан курстар жаңыртылбайт. Жаңы курстар болуп калса, сайтка чыгарып турабыз.
Силер өткөргөн башка иш-чараларга кантип катышууга болот?
Биз Борбор Азия өлкөлөрүндөгү журналисттерге жана журналистика факультетинде билим алган студенттер үчүн ар кандай окутууларды өткөрүп турабыз. Жаңы иш-чараларды өткөрүп жибербеш үчүн сайтыбызга же коомдук желедеги барактарыбызга көз салып туруңуз. Биздин иш-чараларга катышуу үчүн көбүнчө каттоодон өтүү керек болот же болбосо сынак аркылуу кабыл алынат.
Курска Борбор Азияда эле жашагандар катыша алабы?
Онлайн курстарга жашаган жеринен көз карандысыз эле каалоочулардын баары катыша алат. Оффлайн иш-чаралар Борбор Азиядагы өлкөлөрдүн биринде өткөрүлөт.
Мен медиа чөйрөдөгү инсан эмесмин, бирок курска катышкым келип жатат. Катышсам болобу?
Ооба, онлайн курстарга каалоочулардын баары катыша алат.
Курс канча болот?
Ар бир курстун убактысы өз алдынча каралат. Негизинен ал курстун мазмунунан жана канчалык татаал экенинен көз каранды. Орточо эсеп менен бир курс 6-8 аптага чейин созулат. Бул убакыт аралыгында бардык сабактарды окуп, тесттерди тапшыруу керек. Бирок кайрадан жазылып, курсту кайра дагы окууга болот.